Home / خبریں / سائنس اورادب دونوں انسانی فلاح کے لیے ہیں؛شمیم حنفی

سائنس اورادب دونوں انسانی فلاح کے لیے ہیں؛شمیم حنفی

معروف دانشور شمیم حنفی کااردوسائنس بورڈ میں ادب اورسائنس کے موضوع پر لیکچر

25487406_1931782843740620_3282887460594924182_o

لاہور(اسٹاف رپورٹر) معروف ہندوستانی دانشور، ادیب ونقاد پروفیسر شمیم حنفی نے گزشتہ روز اردوسائنس بورڈ کا دورہ کیااورڈائریکٹر جنرل ڈاکٹر ناصرعباس نیّرسے ملاقات کی۔انھوں نے ادب اورسائنس کے موضوع پر لیکچردیا۔اس موقع پر ڈاکٹر سعاد ت سعید،غلام حسین ساجد، فرح ضیا، ڈاکٹر نجیب جمال،ڈاکٹر ہارون عثمانی،قاضی جاوید،اورنگ زیب نیازی ،اشفاق ورک، غافرشہزاد، ڈاکٹر فرقان، شائستہ شریف، نیلم نسیم، عمارہ رشید، حسین مجروح، جنید رضااوردیگر بھی موجودتھے۔ شمیم حنفی نے اس موقع پر اظہارخیال کرتے ہوئے کہا کہ سائنس، ادب اوردیگر سب علوم کا مرکز انسان ہے اوریہ انسان کی فلاح کے لیے ہی ہیں۔ ادب کسی قسم کی سرحدوں کا محتاج نہیں۔ادب کاتعلق کسی خاص قومیت سے نہیں ۔ انھوںنے کہا کہ آج کادورہ سپیشلائزیشن کا دورہے لیکن ہمیں بیک وقت تمام علوم میں مہارت حاصل کرنی چاہیے اوران سے استفادہ کرناچاہیے۔ شمیم حنفی نے کہا کہ سائنس نے جہاں انسانی ترقی میں اہم کرداراداکیاہے ،وہیں اس نے انسان کی تباہی کا سامان بھی پیداکیاہے۔ انسان خوداپنا دشمن بن چکاہے اورایک صارفی معاشرہ وجودمیں آچکاہے۔ اس سے قبل ڈائریکٹرجنرل ڈاکٹر ناصر عباس نیّر نے اردوسائنس بورڈ پہنچنے پر شمیم حنفی کو خوش آمدید کہا۔ اس موقع پر انھوں نے اپنے خیالات کا اظہارکرتے ہوئے کہا کہ شمیم حنفی نے تنقید، ڈرامے، شاعری اوربچوں کے ادب کے حوالے سے اہم کام کیاہے۔ ان کا تنقیدی نقطہ نظر کاسمیوپولٹین ہے۔

25531815_1931783873740517_8936772712463348703_o 25446176_1931782900407281_3549498067880154965_n 25398510_1931784033740501_5045217087436888840_o 25531986_1931783643740540_782499028119549764_o

About ڈاکٹر محمد راغب دیشمکھ

Leave a Reply

Your email address will not be published. Required fields are marked *

*

Scroll To Top
error: Content is protected !!
Visit Us On TwitterVisit Us On Facebook