Home / خبریں / ڈاکٹر تقی عابدی کے ہاتھوں آن لائن اردو لرنگ ڈاٹ کوم ویب سائٹ کانئی دہلی میں اجرا

ڈاکٹر تقی عابدی کے ہاتھوں آن لائن اردو لرنگ ڈاٹ کوم ویب سائٹ کانئی دہلی میں اجرا

پروفیسر ڈاکٹر خواجہ اکرام الدین کی ڈیجیٹل اردو ورلڈ میں ایک نئی پیش رفت

img_1532

نئی دہلی،(اسٹاف رپورٹر) پروفیسر خواجہ اکرام کی کاوشوں سے اردو ڈیجیٹل ورلڈ میں ایک نئی پیش رفت ہوئی ہے ۔ انھوں نے اردو لرنگ ڈاٹ کوم کے نام سے ایک ایسا سوفٹ ویئر لانچ کیا ہے جو اردو میں دوسری سطح پر آن لائن تدریس کے لیے یہ پہلا قدم ہے ۔ اس سوفٹ کی وئیر کی مدد سے دنیا بھر کے طالب علم براہ راست اردو کی تعلیم لے سکیں گے۔ دراصل غیر ملکی طلبہ و طالبات کئی حوالوں سے ابتدائی اردو تو سیکھ لیتے ہیں ۔ کہیں اردو۔ ہندی ایک ساتھ پڑھائی جاتی ہے تو کہیں اردو کی ابتدائی تدریس کے لیے کالج اور یونیورسٹی کے علاوہ کئی ویب سائٹ موجود ہیں ۔ خود پروفیسر خواجہ اکرام جب قومی کونسل کے ڈائریکٹر تھے تو انھوں نے ابتدائی سطح پر اردو کے فروغ کے لیے اقدام کرتے ہوئے سیلف لرنگ میتھیڈ (Self-learning method) پر آن لائن اردو لرنگ سافٹ وئیر لانچ کیا تھا جو کافی مقبول بھی ہوا۔ ابھی انھوں نے ایک قدم اورآگے بڑھاتے ہوئے www.onlineurdulearning.com) )آن لائن اردو لرنگ ڈاٹ کوم ویب سائٹ لانچ کیا ہے جو بنیادی طور پر ان طالب علموں کے لیے ہے جو اردو پڑھنا ۔ لکھنا اور بولنا جانتے ہیں ۔ دنیا بھر میں ایسے بہت سے طالب علم ہیں جو اس طرح کے ویب سائٹ کی تلاش میں تھے ۔ ڈاکٹر خواجہ اکرام چونکہ ملکوں کا سفر کرتے رہتے ہیں اور دنیا بھر کے بہت سے طالب علم آپ کے رابطے میں ہیں شاید اسی لیے انھوں نے اس کمی کو پورا کرنے کے لیے اس طرح کی ویب سائٹ بنائی۔
پروفیسر خواجہ اکرام کا دعویٰ ہے کہ یہ اپنی نوعیت کا اردو دنیامیں پہلا ویب سائٹ ہے ۔ اس کے تحت ابھی صرف چھ ماڈیول بنائے گئے ہیں جو ستر گھنٹے کے اسباق پر مشتمل ہے ۔ پروفیسر خواجہ اکرام نے باضابطہ اس کا نصاب بنایا ہے اور طریقہ ٔ کار بھی وضع کی ہے ۔ اس کی مدد سے دنیا کے کسی بھی ملک کے طالب علم براہ راست کلاس میں شریک ہوں گے اور تبادلۂ خیالات بھی کر سکیں گے۔ اس مقصد سے پروفیسر خواجہ اکرام نے ایک ٹیم بھی بنائی ہے جن کی مدد سے مزید آگے کی تفصیلات طے کی جارہی ہیں ۔ اس ویب سائٹ کے اجرا کی خبر ایک ماہ قبل سوشل میڈیا پہ دی گئی تھی جس کا پوری دنیا میں استقبال کیا گیا ہے اور کئی یوروپی اور امریکی یونیورسٹیز اس حوالےسے پروفیسر خواجہ اکرام سے رابطے میں ہیں ۔امید کی جاتی ہے کہ اس ویب سائٹ کی مقبولیت میں بہت جلد اضافہ ہوگا اور اردو ترقی کی سمت و رفتار میں ایک نیا باب کھلے گا ۔

img_1475

About ڈاکٹر محمد راغب دیشمکھ

Leave a Reply

Your email address will not be published. Required fields are marked *

*

Scroll To Top
error: Content is protected !!
Visit Us On TwitterVisit Us On Facebook