معروف شاعرہ راشدہ ماہین ملک کا مختصر تعارف

راشدہ ماہین ملک 10اکتوبر کو ملتان میں پیدا ہوئی ۔ میٹرک نمبر ون ہائی اسکول ملتان سے کیا ایم فل قاید ِاعظم یونیورسٹی اسلام آباد سے کیا‫۔آجکل فیڈرل اردو یونیورسٹی اسلام آباد اسسٹنٹ پروفیسر کے فرائض انجام دے رہی ہیں انہوں نے شاعری کا آغاز 1998ء میں کیا اور بہت قلیل عرصہ میں ادبی منظر نامے پر نمایاں حیثیت اختیار کرلی ۔ ان کے ادبی اثاثے میں ۔۔۔

1:Iqbal
the spiritual father of Pakistan-2010
2:. Iqbal and the concept of Pakistan -2002
3.:shawl main lipti raat 2013
4. باغ -2015
5. دل والی دلی میں 2016

آئیے ان کے کلام سے کچھ اشعار دیکھتے ہیں
۔۔۔۔۔۔۔۔۔۔۔۔۔۔
صاحب میں ترے ناز اٹھانے نہیں آئی
بس دیکھنے آئی ہوں منانے نہیں آئی
ــ۔۔۔۔۔۔۔۔۔۔۔۔ ۔
یہ کہانی عشق کی ہے دیکھنا
یہ حدیثِ دلبراں ہو جائے گی
۔۔۔۔۔۔۔۔۔
میں محبت کی حفاظت کی قسم کھاتی ہوں
دور اب دل سے بچھڑ جانے کا ڈر کر لیجئے
۔۔۔۔۔۔۔۔۔۔۔
ایک تصویر اس کی میرے ساتھ
بس اسی کا خمار ہے ماہین
۔۔۔۔۔۔۔۔۔
اس نے بھی ایک رمز چرائی ہے باغ سے
میں نے بھی ایک رنگ اڑایا ہے پھول کا
۔۔۔۔۔۔۔۔۔۔۔۔۔۔۔
میں پری ہوں پری اے مری زندگی!
مجھ سے ملنا سدا مسکراتے ہوئے
۔۔۔۔۔۔۔۔۔۔۔۔
اپنی شہرت ہے ماہین جیسی بھی ہو
نامور لوگ ہیں ہم سے ملتے رہو
۔۔۔۔۔۔۔۔۔۔۔۔۔۔
مسندِ جسم و جاں کو سجائے ہوئے
جلوہ گر لوگ ہیں ہم سے ملتے رہو
۔۔۔۔۔۔۔۔۔۔۔۔۔
یہ زندگی نے جو چہرے پہ کھینچ رکھی ہیں
نجومی ایسی لکیروں کا زائچہ دےدے
۔۔۔۔۔۔۔۔۔ ۔۔۔۔۔
ساری باتیں کمال ہیں صاحب
آپ اپنی مثال ہیں صاحب
۔۔۔۔۔۔۔۔۔۔۔۔۔۔۔
یہ رنگ بھی اڑ جائیں گے سب دیکھتے رہنا
یہ پھول بھی ہو جائیں گے اک دن خس و خاشاک
۔۔۔۔۔۔۔۔۔۔۔۔۔
میں دیکھتی رہی کہ مرے برگ و بار پر
شبنم تمہارے پیار کی اتری تمام رات
۔۔۔۔۔۔۔۔۔۔۔۔
اس نے میری آنکھوں پر جب ہاتھ رکھے
جسم و جاں ملتاں کیا ، حیران کیا
۔۔۔۔۔۔۔۔۔۔۔۔۔۔
روک لے مجھ پر آ کر گرتے پتھر کو
آئینے کی عمر بڑھا دے شہزادے
۔۔۔۔۔۔۔۔۔۔۔۔
کھڑے ہوؤں کو گرانے کا کام کرتی ہے
یہ میری آنکھ نشانے کا کام کرتی ہے
۔۔۔۔۔۔۔۔۔۔۔۔۔۔
جسے پڑھ کر فقیرانہ طبیعت کا نشہ ٹوٹے
مرے اہلِ نظر ایسا وظیفہ آخری لاؤ
۔۔۔۔۔۔۔۔۔۔۔۔۔
جس کو کہتے ہو مرکزی کردار
وہ تو حصہ نہیں کہانی کا
۔۔۔۔۔۔۔۔۔۔۔۔۔
اس کی آنکھوں سے گرتے لمحوں کو
میں نے دیکھا خمار سے روشن
۔۔۔۔۔۔۔۔۔۔۔۔۔۔۔
جسم و جاں کے شراب خانے میں
نشۂِ وصلِ یار ہے ماہین
۔۔۔۔۔۔۔۔۔۔۔۔۔۔۔
سانس کھینچوں زخم کھاؤں زندگی
میں ترے قربان جاؤں زندگی
۔۔۔۔۔۔۔۔۔۔۔۔
عقل سے بھی ماورا سوچوں گی میں
فلسفہ حیرت میں گم ہو جائے گا
۔۔۔۔۔۔۔۔۔۔۔۔۔
آنکھ امکان سے بھری ہوئی تھی
اور میں خواب میں ڈری ہوئی تھی
۔۔۔۔۔۔۔۔۔۔۔۔۔۔۔
کیوں زمین و آسماں ہیں رقص میں
اور کیا تھا ایک انگڑائی تو تھی
۔۔۔۔۔۔۔۔۔۔
کوئی منزل تلاش لی جائے
اب کہاں تک یہ بے گھری رہے گے
۔۔۔۔۔۔۔۔۔۔۔۔
میں جسم نہیں حسن ہوں اے چشمِ ابد تاب
مر کر بھی محبت کی کہانی میں رہوں گی
۔۔۔۔۔۔۔۔۔۔۔۔

تو جو میرے ناز اٹھائے آئے ہائے
ایک قیامت سی آ جائےآئے ہائے

مست نظر کا تیر چلے تو دل والوں کو
آگ لگائے ہوش اڑائےآئے ہائے

کون ملا کر آنکھیں مجھ سے بات کرے گا؟
کوئی نہیں ہے؟ کوئی تو آئے آئے ہائے

ہاتھ مری آنکھوں پر رکھ کے عشق نگر کے
اس نے کیا کیا خواب دکھائے آئے ہائے

پھر تو آنکھ مچولی کھیلنا چھوڑ گیا وہ
ہم جب اس کے ہاتھ نہ آئے آئے ہائے

عشق میں ایسا نام کمایا ماہی ہم نے
لیلی اور مجنوں کہلائے آئے ہائے

ماہین

مسکراتے ہوئے میں کسی کی ہوئی
کوئی میرا ہوا مسکراتے ہوئے
‏‎
اک ذرا سی خطا پر وہ اتنا جھکا..
پاؤں چھونے لگا مسکراتے ہوئے‎
‏‎
یار ماہین جیسے قیامت ہی تھی
اک ستمگر ملا مسکراتے ہوئے

ماہین…..‎…
‎
یہ بھی ممکن ھے محبت میں کمی کر دوں گی
تم ستاو گے تو شدت میں کمی کر دوں گی

پھر مجھے چھوڑ کے جانے کا نہیں سوچے گا
میں تری حس ِبغاوت میں کمی کر دوں گی

تجھ سا مغرور زمانے میں نہیں ملتا ھے
یار, میں تیری رعونت میں کمی کر دوں گی

میں خُدا والی ہوں کیوں تجھ کو غلط فہمی ھے
تیری خاطر میں عبادت میں کمی کر دوں گی

تربیت اُسکی بھی آسان نہیں ھے ماہین
اب کے میں رُشد و ہدایت میں کمی کر دوں کی

ماہین *****