Home / خبریں / ڈاکٹرشہپررسول اردواکادمی دہلی کے وائس چیئرمین منتخب

ڈاکٹرشہپررسول اردواکادمی دہلی کے وائس چیئرمین منتخب

اردو اکادمی دہلی کی گورننگ کونسل کی تشکیل نو

1920513_1524204967821864_8325501383204495260_n

نئی دہلی ،(اسٹاف رپورٹر)اردو اکادمی، دہلی کی گورننگ کونسل کی تشکیلِ نوکی گئی ہے ۔ اکادمی کے چیئرمین اور دہلی کے وزیراعلیٰ مسٹراروندکیجر وال نے وائس چیئرمین کی ذمہ داری پروفیسرشہپر رسول کو سپرد کی ہے۔خیال رہے کہ پروفیسرشہپررسول معروف شاعر ،ادیب اور نقاد ہیں۔وہ اردو کے سینئر استاد کی حیثیت سے ملک اور بیرونِ ہند ملک کی نمائندگی کرتے رہے ہیں۔ پروفیسر وجیہ الدین (شہپررسول)17؍اکتوبر 1956 کو اترپردیش کے ضلع امروہہ، قصبہ بچھرایوں میں پید ہوئے۔ انھوں نے اعلیٰ تعلیم علی گڑھ مسلم یونیورسٹی سے حاصل کی اور پی۔ ایچ۔ ڈی کی ڈگری جامعہ ملیہ اسلامیہ سے حاصل کی۔ پروفیسر شہپر رسول کی شناخت ماہرِ تعلیم، شاعر اور نقاد کی حیثیت سے ہوتی ہے۔ فی الحال وہ جامعہ ملیہ اسلامیہ میں صدر شعبۂ اردو کی حیثیت سے اپنے فرائض انجام دے رہے ہیں۔
ان کی مطبوعات میں ’’ صدف سمندر‘‘، ’’سخن سراب‘‘، ’’اردو غزل میں پیکرتراشی: آزادی کے بعد‘‘،’’چشمِ دروں‘‘، ’’ نقش و رنگ‘‘، ’’پیمانۂ صفات‘‘،وغیرہ شامل ہیں جو اردو ادب میں قبولیت کا درجہ درکھتی ہیں۔ ان کی متعدد کتابوں پر اتر پردیش اردو اکادمی، مغربی بنگال اردو اکادمی اور اردو اکادمی، دہلی کی جانب سے انعامات مل چکے ہیں۔
جہاں تک دیگر ممبرانِ اکادمی کا تعلق ہے حسبِ ذیل سرکاری افسران کو بلحاظ منصب اکادمی کا ممبر نامزد کیا گیا ہے۔ پرنسپل سکریٹری (مالیات) دلّی سرکار،سکریٹری ( فن ، ثقافت و السنہ) دلّی سرکار۔ اس کے علاوہ وزیرِ اعلیٰ نے جن مشاہیرِ اردو کو اکادمی کا ممبر نامزد کیا ہے، ان میں اپرنا پانڈے،ڈاکٹر اطہر فاروقی، چندربھان خیال، ڈاکٹر شمیم احمد، ڈاکٹر وسیم راشد، ایف آئی اسماعیلی، فرحان بیگ ، فریدالحق وارثی، فیروز احمد، عنایت اللہ، ارتضیٰ قریشی، ایم ودود ساجد، محمد صلاح الدین، محمد نوشاد علی، کامنا پرساد، نشیط شادانی، نور ظہیر، رعنا صفوی، محترمہ سعدیہ سید، ریاضت اللہ خاں، صابرعلی، شیراز حسین عثمانی، سہیل انجم کے نام شامل ہیں۔
11096518_1583389691903391_7396386928260336154_n

About ڈاکٹر محمد راغب دیشمکھ

Leave a Reply

Your email address will not be published. Required fields are marked *

*

Scroll To Top
error: Content is protected !!
Visit Us On TwitterVisit Us On Facebook